شم النسيم ..من زمان للنهاردة .....شم النسيم عيد كل المصريين
شم النسيم هو العيد الوحيد اللى ورثناه عن أجدادنا بكل تفاصيلة واحداثه
ولو عاوزين تعرفوا اجدادنا كانوا بيعملوا ايه ؟؟تعالوا نشوف .
السنة عند المصرى القديم كانت 3 فصول ...كل
فصل 4 شهور ..وأسماء الفصول كانت ( الفيضان = أخت ) و(الشتاء = برت (و(الصيف =
شمو(
وشمو هى اللى اتحرفت وبقت شم النسيم ...العيد دا وصل لنا علشان كان
خاص بالطبيعة وفرحة الناس من الخروج من البرد للجو الجميل وكان مرتبط بفكرة البعث
والحياه مرة أخرى فالطبيعة اللى كانت ميته بتحيا من جديد والازهار بتفتح والمحاصيل
بتنضج ...
* البصــــــــل*
فكانوا قبل ما يناموا بيحطوا البصل تحت المخدات وعلى الابواب
وبيعلقوا على صدر الاطفال علشان البصل بيطرد الارواح الشريرة وبيقهر المرض
....يصحوا الصبح يلموا الجيران ويروحوا المزارع أو النيل فى مراكب وكان لازم
الاطفال يلمسوا النيل بأديهم أو رجليهم كنوع من البركة .
..وكمان كانوا بياخدوا معاهم الاكل اللى
احنا لسه بناكله (الملانه) وكانت بشارة قدوم الربيع أول ما تخضر يعرفوا ان الربيع قرب فكانت البنات الصغيرين بيعملوا منه اساور حوالين اليد وعقود حوالين الرقبة .
 |
| الملانه |
* الفسيــــــخ*
..وكانوا بياكلوا السمك المملح
ودا له علاقة بالنيل (حابى ) واهب الخير لمصر فبرعوا فى تخليل الفسيخ اللى كانوا
بيفتحوه من الظهر وينشروه ويحشوه بالملح ..
* البيــــــض*
البيض ...من اهم مفردات شم النسيم وبترجع حكايتة لاعتقادهم الاول
حوالين الكون وازاى اتوجد فكان فى احدى الاساطير ان الكون كان عبارة عن محيط مائى
أزلى اسمه (نون ) طلعت منه بيضه بشكل عجيب البيضة كانت ميته وفجاه بتتكسر القشرة
وبيطلع منها الشمس كطائر طفل صغير بيصرخ صرخته الاولى
وبيتكون الكون فكانت البيضة
هى رمز تجديد الحياة وصورة لبداية الكون وهى الجماد الذى يحمل بداخله الحياة فكانت
بتتلون بقشر البصل و الرمان والكركم وكمان الخروع وبيكتبوا عليها امنيتهم زى مثلا
(دى عنخ = فليعط الحياة ) أو (عنخ دجيت = فليحيا للابد (
مع البيض كانوا بياكلوا ( السميط ) وبيكون معجون بالعسل الابيض
والبيض .
* الخــــــس*
 |
| الاله مين اله الخصوبة وإلى جواره الخس |
واخيرا الخس رمز الخصوبة والقوة الجنسية المرتبطة بتجديد الحياة .
******
فى شم النسيم خرج اليهود من مصر مستغلين انشغال المصرين بالاحتفال
وخرجوا ومعاهم الذهب والفضة وما اخذوه من المصرين وعلشان خرجوا بأمان هما كمان
احتفلوا بشم النسيم وسموه (عيد الفصح = عيد الخروج أو العبور)
وفى المسيحية كان عيد القيامة وشم النسيم فى شهر برمودا لكن احيانا
كان بيجى شم النسيم فى صيام 555 يوم المحرم فيهم اكل السمك ولان العيد دا عيد كل
المصرين...كان الاتفاق على الاحتفال به فى اليوم التالى لعيد القيامة .
كل سنة وكل مصر بخير وشم نسيم سعيد
ليست هناك تعليقات:
إرسال تعليق